Біріктіру дегеніміз не және ТикТоктегі жаңа функцияны пайдалану жолы

АҚШ үкіметі ТикТокқа тыйым салуды көздеп жатқанымен, бұл процесс біршама уақытты алады, ал әзірше қолданба қалыпты жұмыс жасап тұр және жақында тағы бір жаңартуға ие болды. Біріктіру функциясымен сіз 5 секундтық клипті немесе тіпті басқа пайдаланушылардың бейнесін ескі роликке қоса аласыз.

Мазмұны

• Жаңа функцияның жұмыс істеу жолы
• Басқа пайдаланушыларға бейнеңізді біріктіруге мүмкіндік беру жолы
• Біріктіру функциясын пайдалану жолы
• Біріктірілген бейнелеріңізді көре алатындар
• "Біріктіру", "Реакция" және "Дуэт" арасындағы айырмашылық

Жаңа функцияның жұмыс істеу жолы

ТикТок пайдаланушылары алғашқы жариланымдарын өңдеу мүмкіндігін бұрын сұраған. Мұндай мүмкіндік идеяларыңызға бір нәрсе қосуға немесе жай ғана жаңа бір нәрсені жөндеуге көмектеседі.

Біріктіру функциясы пайдаланушыларға алғашқы бейнелерін, сондай-ақ басқа пайдаланушылардың бейнелерін өңдеуге (егер олар бұған рұқсат берсе) мүмкіндік береді. Сіз, сонымен бірге басқа пайдаланушыларға бейнеңізді біріктіруге тыйым салуыңыз мүмкін.

Біріктіру функциясы көмегімен 5 секундтық бейнематериалдарыңызды өзіңіздің немесе бөтен адамдардың жарияланымдарына қосуға болады.

Басқа пайдаланушыларға бейнеңізді біріктіруге мүмкіндік беру жолы

Алғашқыда айтылғандай, сіз басқа пайдаланушыларға бейнеңізді біріктіруге рұқсат беріп те, тыйым сала аласыз.

1-қадам: "Мен" (Я) қойындысын таңдап, жоғарғы оң жақ бұрыштағы үш нүктені басыңыз.

2-қадам: "Құпиялылық" (Конфиденциальность) тармағын, "Бейнеңізді біріктіре алатындар" (Кто может сшивать ваши видео) жолында қалаған параметрді таңдаңыз.

Ескерту: Бейнелеріңізді біріктіруге рұқсат бергеннен кейін кез келген пайдаланушы жарияланымдарыңызды өз бетіне репост жасайды, сондықтан абай болыңыз және жеке деректеріңізді еш жарияламаңыз.

Пайдалы мақала: Тик-Токта ақша табу - табыс табудың барлық әдістері және аккаунтты монетизациялау

Біріктіру функциясын пайдалану жолы

Басқа пайдаланушылардың бейнесін біріктіргіңіз келсе, олар бұған реттеулерінде рұқсат беруі тиіс, әйтпесе "Біріктіру" түймесі жұмыс істемейді.

1-қадам: Қалаған бейнені табыңыз ("Сіз үшін" (Для Вас) қойындысында іздеуді бастауыңызға болады), содан кейін оң жақ панельдегі тілшені басыңыз.

2-қадам: "Біріктіру" (Сшить) түймесі "Дуэт" және "Реакция" арасында орналасқан. Түймені басқан соң өңдеу экраны ашылады.

3-қадам: Мұнда сіз 5 секундқа дейінгі кесіндіні таңдап, содан кейін оның ішіне өз бейнематериалыңызды қоса аласыз. Содан соң "Әрі қарай" (Далее) түймесін басыңыз.

4-қадам: Енді сіз өз кесіндіңізді жазып ала аласыз. Жазу белгіленген уақыт өткеннен кейін автоматты түрде тоқтайды.

Содан кейін кез келген басқа бейнедегідей эффектілерді де қосуға болады, бейне бетіңізде жарияланады.

Біріктірілген бейнелеріңізді көре алатындар

Сол баз баяғы реттеулерде қалаған параметрлерді таңдай аласыз. Мысалы, "Біріктірілген" бейнені тек "Достар" (Друзья) тобы көре алатындай рұқсат бере аласыз. Мұндай жағдайда бейнеге тек аталған тобтағы пайдаланушылар қатынаса алады.

Сондай-ақ келесіні оқыңыз: Тик-Токтағы бейне максималды көрулер санын жинау үшін не істеу керек?

Басқа пайдаланушылар аккаунтыңыздағы "Біріктірілген" бейнені көре алатын тұлғалар қатарына шектеу қойғысы келсе, дәл осы процесс болады.

"Біріктіру", "Реакция" және "Дуэт" арасындағы айырмашылық

Осы барлық функциялар пайдаланушыларға бір-бірімен өзара әрекеттесуге және бейнелерді өз беттеріне репост жасауға, сонымен бірге түпнұсқа бейненің авторын көрсетуге мүмкіндік береді. Алдында айтылғандай, "Біріктіру" функциясының арқасында жазуыңызды түпнұсқа бейнеге қоса аласыз. Жазу бүкіл экранда көрсетілгендей, ол түпнұсқа бейненің бір бөлімі болады.

"Дуэт" басқа жағынан түпнұсқа бейне жанында көрсетілетін өз бейнеңізді жазуға мүмкіндік береді.

Ал "Реакция" түпнұсқа бейнеге эмоцияларыңызбен бөлісе алатын кішкентай терезені қосады.