IOS және Android құрылғыларында WhatsApp чат тарихын Telegram ішіне тасымалдау жолы

WhatsApp қолданбасының мұндай әрекеті көптеген пайдаланушылардың деректерді аз жинайтын және байланыстар үшін үздік қауіпсіздікті қамтамасыз ететін Signal және Telegram секілді құпиялылыққа бағытталған хабарламалармен алмасу қолданбаларына артығырақ көңіл бөлетініне алып келді. Алайда сізді WhatsApp қолданбасынан бас тартудан ұстап тұратын бір нәрсе бар - бұл WhatsApp ішіндегі чат тарихыңыз. Егер сіз біз сияқты пікірді ұстансаңыз, онда жақындарыңызбен бұрын алмасқан хабарламаларды және естеліктерді сақтағыңыз келетін шығар. Сонымен WhatsApp чат тарихын Telegram ішіне тасымалдай аласыз ба, егер бұл мүмкін болса, мұны қалай жасауға болады? Бұл туралы біз осы мақалада айтатын боламыз.

Мазмұны

• WhatsApp чаттарын Telegram ішіне тасымалдай аласыз ба?
• WhatsApp чат тарихын Telegram ішіне тасымалдау жолы

1. Android құрылғысында

2. iOS құрылғысында

• Импортталған чат тарихыңызды кім көре алады?
• WhatsApp чатыңыз Telegram ішінде қалай көрсетіледі?
• Чатты Telegram ішіне тасымалдау үшін қосымша сақтау орны қажет пе?

WhatsApp чаттарын Telegram ішіне тасымалдай аласыз ба?

Иә. Telegram соңғы жаңартуының арқасында кез келген адам WhatsApp чатының тарихын Telegram ішіне тасымалдай алады. Мұны WhatsApp қолданбасына сол қалпында жіберілген хабарламаларыңызды Telegram арқылы импорттауға мүмкіндік беретін «Чат экпорты» функциясы көмегімен орындауға болады.

WhatsApp чат тарихын Telegram ішіне тасымалдау жолы

Android және iOS құрылғыларында WhatsApp ішінен Telegram ішіне хабарламалар мен мультимедианы жіберу үшін пайдаланылатын тасымалдау әдісі негізінен ұқсас және аздап қана ерекшеленеді. Соңғы жаңартумен WhatsApp сияқты Line және KakaoTalk чаттарын Telegram ішіне импорттауға болады.

Мұнда Смартфоныңызға байланысты WhatsApp чатының тарихын Telegram аккаунтыңызға тасымалдау жолы көрсетілген.

Android құрылғысында

WhatsApp чатын Telegram ішіне өткізу жұмысын бастамас бұрын, Android құрылғыңызда Telegram қолданбасы соңғы нұсқасының іске қосылғанына көз жеткізіңіз. Бұл функция пайдаланушылар үшін 2021 жылдың 28 қаңтарында шыққан Telegram 7.4.1 нұсқасының бір бөлігі болып табылады. Қолданбаны Google Play Store арқылы соңғы нұсқасына дейін жаңартуға болады.

Барлығын ретке келтірген соң, жұмысты жалғастырып, WhatsApp чат тарихын тасымалдай аласыз. Бұл үшін Android телефоныңызда WhatsApp қолданбасын іске қосып, сұхбатты (жеке чатты немесе топтық чатты) ашыңыз.

Чат экранында жоғарғы оң жақ бұрыштағы үш нүктесі бар белгішені түртіңіз.

Экранда мәзір пайда болған кезде «Қосымша» (More) пәрменін таңдаңыз.

Таңдалған чат ішіндегісін көшіру үшін келесі пәрмендер тізіміндегі «Чат экспорты» (Export chat) опциясын түртіңіз.

WhatsApp таңдалған чаттың мультимедиамен не онсыз экспорттауын сұрайды. Чатты экспорттау әдісіне байланысты «Файлсыз» (Without media) немесе «Файл қосу (Include media) нұсқасын таңдаңыз.

WhatsApp енді экспортталуы қажет элементтер тізімін дайындайды және олар дайын болғаннан кейін Android «Бөлісу» (Share) мәзірі енді экранның төменгі жағында пайда болады.

«Бөлісу» (Share) мәзірінде Telegram қолданбасын түртіңіз. Немесе пайдаланушының не топтың Telegram белгісі (чатты экспорттағыңыз келетін) әлдеқашан «Бөлісу» (Share) мәзірінде қолжетімді болса, онда оны түртіңіз.

Telegram қолданбасын ашқан кезде деректерді импорттау қажет чатты таңдаңыз.

Telegram WhatsApp чатын Telegram қолданбасының таңдалған чатына импорттағыңыз келетінін-келмейтінін сұрайды. Егер сіз импорттау үшін қажетті чатты таңдаған болсаңыз, «Импорт» (Import) опциясын түртіңіз.

Енді Telegram WhatsApp чатыңызды өзінің ішіне импорттауды бастайды.

Процесті аяқтағаннан кейін «Чат сәтті импортталды» (Chat imported successfully) хабарламасы шығады. Диалогтік терезені жабу үшін «Дайын» (Done) түймесін түртіңіз.

WhatsApp ішінен импортталған барлық чаттарыңыз енді Telegram ішінде пайда болады.

iOS құрылғысында

iPhone құрылғыңызда чаттарды WhatsApp ішінен Telegram ішіне өткізу мүмкіндігіне ие болу үшін iOS арналған Telegram қолданбасының 7.4 нұсқасын іске қосу керек. Telegram қолданбасының соңғы нұсқасын App Store арқылы жүктеп алып, орнатуға болады.

Telegram қолданбасын жаңартқаннан кейін iPhone құрылғыңызда WhatsApp қолданбасын іске қосып, сұхбатты ашыңыз.

Чатта бола отырып, оның жоғарғы жағындағы контакт немесе топ атын түртіңіз.

Контакт немесе топ туралы ақпарат экранында «Чат экспорты» (Export chat) опциясын түртіңіз.

WhatsApp таңдалған чаттағы барлық хабарламаларыңыздан тұратын ZIP-файлды әзірлейді. Файл экспорты дайын болғаннан кейін экранның төменгі жағында iOS ортақ пайдалану беті қалқып шығады.

Ортақ пайдалану бетінде Telegram қолданбасын таңдаңыз.

Содан соң WhatsApp чатын өткізгіңіз келетін Telegram ішіндегі сұхбатты түртіңіз.

Диалогтік терезеде пайда болған «Импорт» (Import) түймесін басу арқылы тасымалдауды растаңыз.

Telegram WhatsApp чатыңыздың импорттауын бастайды және экранда тасымалдау әрекетінің орындалу барысы көрсетіледі.

Хабарламаларыңыздың барлығы Telegram ішіне импортталғанда «Чат сәтті импортталды» (Chat imported successfully) жазуы пайда болады. Telegram ішінде импортталған хабарламаларды тікелей тексеру үшін төмендегі «Telegram ашу» (Open Telegram) түймесін басыңыз.

Импортталған чат тарихыңызды кім көре алады?

WhatsApp чатын Telegram сұхбатына өткізген кезде таңдалған сұхбаттың барлық қатысушылары хабарламаларды көре алады. Бұл WhatsApp чат тарихын Telegram чатына импорттаған жағдайда, Telegram ішінде таңдалған чаттың басқа пайдаланушысы импортталған хабарламаларды көре алады деген сөз.

Бұл топтық чаттар үшін де жұмыс істейді. Егер сіз немесе топ қатысушыларының бірі WhatsApp чатын Telegram ішіне импорттаса, хабарламалар чаттың барлық қатысушылары үшін көрінеді.

WhatsApp чатыңыз Telegram ішінде қалай көрсетіледі?

WhatsApp ішінен Telegram ішіне тасымалданған хабарламалардың әрқайсысы «Импортталған» болып белгіленеді. Барлық чаттардың жіберілгеніне сәйкес бастапқы уақыт белгілері болады. Олар бастапқыда жіберілген күн орнына ағымдағы күнде (чат импорты таңдалған күн) пайда болады.

Дегенмен олар сол күнмен көрсетілмеуі мүмкін. Импортталған чаттар Telegram басқа хабарламалары сияқты шығады және сіз кімнің не жібергенін анықтай аласыз. Егер импорттау кезінде медиафайлдарды қосу туралы шешім қабылдасаңыз, олар байланыс ақпараты бетіндегі "Медиа" қойындысында да пайда болады.

Чатты Telegram ішіне тасымалдау үшін қосымша сақтау орны қажет пе?

Жоқ. WhatsApp немесе хабарламалармен алмасудың басқа қолданбаларына қарағанда Telegram байланыс жасаудың бұлттық қолданбасы және барлық чаттарыңыз бұлтта сақталып, кез келген жерден қолжетімді.

Бұл WhatsApp чатын Telegram ішіне өткізгеннің өзінде оның iPhone не Android құрылғысында ешқандай қосымша орын алмайтынын білдіреді. Бұл тек хабарламаларыңызға емес, сондай-ақ WhatsApp ішінен импортталған медиафайлдарға, соның ішінде фотосуреттер мен бейнеге қатысты.

Чатты WhatsApp ішінен Telegram ішіне тасымалдау туралы айтып беретін ақпаратымыздың барлығы осы. Хабарламалармен алмасу қолданбасы жөнінде қосымша мәліметтерді арнайы Telegram бөлімінен қараңыз.